ZIWA KYUNGULULU (KYUNGULULU CRATER LAKE)

Ziwa Kyungululu llinapatikana Lugombo katika kijiji cha Kabembe kata ya Itete, Halmashauri ya Busokelo Wilaya ya Rungwe, linapatikana umbali mdogo kutoka ilipo Hospitali teule ya Itete.

Uwapo katika eneo lilipo Ziwa Kyungululu utaweza kuona kwa uzuri Mlima Sutwa,Safu za Mlima Livingstone iliyoambaa mpaka katika Kingo za Ziwa Nyasa, pamoja na ziwa Nyasa, Katika ziwa hili Hakuna mto wowote unaoingiza wala kutoa maji unaoweza kuonekana kwa macho

Zipo Nadharia Mbalimbali juu ya utokeaji wa Ziwa Kyungululu japo tutajikita zaidi katika nadharia mbili Moja ikiwa ni masimulizi ya wazee na Mbili kutokana na Sayansi/Jiografia.

Katika masimulizi ya kihistoria juu ya utokeaji wa ziwa Kyungululu tulipozungumza na wazee kila mmoja alisimulia kwa namna yake lakini asilimia Kubwa walilenga kitu kimoja.

“kulikuwa na mtu mmoja alitoka sehemu za mbali sana na kufika mahali hapa, alipofika alionekana kuwa ovyo sana kwa maana ya kwamba alikuwa mchovu na mchafu sana mithiri ya mtu aliyegalagazwa katika vumbi na mchovu kana kwamba alitembea umbali mrefu sana, aliingia katika nyumba ya kwanza ili kuomba maji ya kunywa kutokana na hali aliyokuwa nayo ya uchafu walimkatalia, basi akasogea katika nyumba ya pili vivyo hivyo wakamkatalia na kumfukuza.

Alipofika katika nyumba ya tatu alimkuta mama mmoja msamalia mwema ambae alimuonea huruma kwa hali aliyokuwa nayo na kumkirimu kwa kumpa maji ya kuoga, akamvisha nguo zingine na kisha kumwandalia chakula, mara baada ya kumaliza kula ndipo yule mtu akamwambia mama yule uhame mahala hapa uhamie sehemu nyingine kwa maana hapa patatokea maajabu.

wale watu walipomwona mama yule anahama wakamsema na kumtukana kwa kusema kichaa anamhamisha na kumuona kama mtu asiekuwa na akili kabisa, baada ya kutii agizo lile ikawa kama pigo kwa wale watu pamoja na kijiji kwa ujumla pahala pale Pakadidimia na kisha yakaibuka maji na kufanya sehemu ya Ziwa tunaloliona hivi leo.

Masimulizi hayo yalitumika ili kutoa elimu kizazi hata kizazi kuzifanya jamii kuwa na ukarimu na upendo maana masimulizi hayo hayo yalitumika hata katika maeneo mengine mfano kisiba, ikapu, ilamba na Kingili.”

Kwa Mujibu wa Nadharia ya KItaalam (Sayansi/Jiografia) Inaelezwa Kwamba Ziwa Hili lilitokana na Milipuko ya Kivolkeno iliyotokea Miaka Mingi iliyopita, Katika maeneo ya karibu Maziwa Mengine yaliyotokana na Milipuko ya Kivolkeno ni Pamoja na Ziwa Ngosi, Ziwa Kisiba, Ziwa Ilamba, Ziwa Itende, Ziwa Ikapu pamoja na Ziwa Kingili

Kwa safari za kitalii/ habari za utalii na utamaduni katika mkoa wa Mbeya karibu UYOLE CULTURAL TOURISM ENTETPRISE.

Project: Karibu Southern Circuit Program

Photo Credit: Mazplusfly (Zakaria Mgala)

Book Your trip with us.
Email: uyolecte@gmail.com
+255 783 545 464

Follow us on:Twitter
Follow us on: Pinterest
Facebook acc: Uyole Cte
Blog: uyolecte.blogspot.com
Website: www.uyolecultural.com
Click Here to Follow us on Instagram
Facebook page: Uyole Cultural Tourism Enterprises

Things to do in Mbeya | Mbeya tourist atractions | Uyole cultural tourism enterprise